مرحبا حبايبي،
اهلا فيكم في بوست جديد. اليوم راح جاوب على اسئلتكم هيك بتتعرفوا علي اكتر و بشارك معكم شغلات عني و عن تصويري
- كيف اطور موهبتي في التصوير؟
اول شي حاولي تعملي فولو لكنير حسابات بالانستجرام و خدي الهام منهم و من صورهم. بس ما عمرك تنسخي افكار التانيين. خلي الك لمستك الخاصة في الصور الي بتاخديها. و مع التدريب شوي شوي بصيرو صورك احلى و احلى.
- شو البرنامج الي بتستخدمي في صورك؟
اول شي دائما باخد صوري بتطبيق الكاميرا في الايفون و ما بستخدم اي تطبيق تاني للالتقاط.. بالنسبة للتعديل، بستخدم vsco
- ممكن تحكيلنا كيف بتضلي ايجابية؟
ما في حد بهالدنيا ايجابي عطول و ما في حد عايش حياة حلوة و كاملة. ببساطة ما في هيك شي و كلشي مننشرو عل انستجرام مش شرط يعبر عن حياتنا اليومية لانو اكيد في ايامات صعبة بس برضو في الحلوة، و عشان هيك لازم نتطلع عل شي الايجابي في كل موقف بنمرق في لانو كل شي بصير لسبب
- ايش شغلك؟
معلمة انجلش. الي متخرجة ٤ سنوات من الجامعة. درست انجلش و ترجمة
- ايش تستعملي فلتر؟
A6 vsco cam
- كيف عرفتي انه عندك موهبة في التصوير و كيف ابدعتي بهاد المجال؟
اول ما بدات عل انستجرام كنت حساب للتاج بدات بالانجلش و شوي شوي صرت احس اني ممكن اصور اشياء نفس صور البنات الي اخد صورهم. بدات ادرب و مع شوية فشل و اعادة محاولات كثيرة قدرت اطور حالي الحمدالله
- ايش تستخدمي اضاءة لصورك؟
بس ضو الشمس و استخدم ايفون في التصوير ما عندي كاميرا ولا اي معدات بروفيشينال
- احكي عن حالك شوي..
انا اسمي جولي، اردنية الاصل و حاليا ساكنة بالمانيا مع زوجي. نحنا التنين كان عنا حلم من سنين انو نشتغل و نعيش في اوروبا نتقلنا من سنتين على المانيا هو بكمل دوكتورا و انا بشتغل معلمة انجلش في مدرسة صغيرة. عمري ٢٤ بصير ٢٥ الشهر الجاي يوم ١٣.
قبل سنتين فتحت حساب يوميات الي بالانستجرام كنت شارك يومياتي بالانجلش. من فترة مش كتير طويلة حبيت اني يكون عندي حساب تاني بس بالعربي، فتحتو و بشارك معكم حياتي البسيطة و يومياتي المتواضعة.
- شاركينا كيف بتعملي صورك؟
ان شاء الله ناوية شاركم كل شي في حسابي بالانستجرام من خلال الستوريز كل شي بعملو و كيف بصور
- كم وقت تاخد منك كل صورة؟
حسب، ابدا بفكرة و اضل اطور عليها لحد ما تعجبني. اقل شي ٢٠ دقيقة
شكرا الكم حبايبي عل اسئلة الجميلة، انبسطت و انا جاوبكم. بتمنى تكونو انبستطو و تعرفتو علي شوي صغيرة.
Comments
Post a Comment