مرحبا حبايبي،
كتير منكم بسالوني كيف بصور و شو الخطوات الي بتبعها في التصوير. في بوست اليوم، حابة افرجيكم شو بعمل و كيف ببدا صور.
اول شي انا دائما بصور على تختي، و بستخدم بس اضاءة الشمس. طبعا بكون فاتحة النافذة لحتى استفيد من الاضاءة الخارجية قد ما بقدر.
❤︎
بعدين ببدا فكر شو حابة اعمل اليوم و شو حابة شاركم بالضبط. بجمع كل الاشياء الممكن استخدمها في صوري
دائما بحاول اختار الاشياء الالوانها متناسقة لحتى تكون الصورة متكاملة لتنقل فكرة او قصة من خلالها.
بعد ما احط في بالي شو الفكرة الي حابة انقلها خلال الصورة الي بدي التقطها، ببدا بترتيب الشياء بطريقة متناسقة و حلوة.
مش شرط ابدا اعرف شو بدي اعمل من اول مرة، كتير بضل جرب و غير و بدل لحد ما اكون مقتنعة بالصورة.
كتير بقضي وقت على بينترست لحتى استلهم افكار و طرق للتصوير من مصورين تانين. طبعا ابدا ابدا ما
بعمل بالزبط متلهم لانو كل واحد فينا عنده موهبة التفكير و الابداع فينا نستخدمها لنعمل شي بخصنا و بعبر عنا.
❤︎ شي حابة اذكرو لاني كتير بنسال شو بستخدم لحتى اصور، فقط ايفون
بتمنى تكونو انبسطو بهاد البوست و اعطيتكم لمحة عن كل شي بعملو لحتى التقط الصور الي بشاركها معكم في الانستجرام.
ازا عندكم اي سؤال اتركو بالكومنت و انا بجاوبو
Comments
Post a Comment